Pranata Adicara
Reuni
Sugeng enjing para tamu
kakung saha putri ingkang minulya.
Assalamualaikum
Warohmatullahi Wabarokatuh.
Puji syukur katur
dumateng ngarsaning Gusti Pangeran ingkang Maha Kuwaos, mugi Rahmat saha
Hidayahipun sumrambah ing kula panjenengan sedaya.
Nuwun sewu, kula ingkang
tampi jejibahan jejer pranatacara ing enjing punika ngaturaken pambagya “Sugeng
Rawuh Rahayu wilujeng” wonten punika palenggahan adicara “Reoni keluarga Bani
Sodiqun”.
Salajengipun, kaparenga
kula ngaturaken rancangan urut-urutanipun lampah adicara Reoni Keluarga Bani
Sodiqun wonten ing dalemipun Bapak Suwanto ing enjing punika.
- Adicara ingkang kapisan inggih punika Pambuka
- Adicara ingkang kaping kalihipun pamaosan ayat suci Alquran
- Adicara ingkang kaping tiganipun pamedhar sabda saking Bapak Suwanto.
- Adicara ingkang kaping sekawanipun sungkeman.
- Adicara ingkang kaping gangsalipun panutup.
Mekaten para rawuh
menggah rancangan urut-urutaning lampah adicara ingkang sampun karacik.
Salajengipun kasakecaaken
anggenipun sami lelenggahan.
Matur nuwun.
Salajengipun amrih
kalaksananing acara enjing punika pinanggih rancag sarta wilujeng, sumangga
sami dipunbuka sesarengan kanthi pamaosan waosan basmalah, sumangga kula
derekaken. Dene dhumateng ingkang ngrasuk agami sanes islam kula sumanggaaken.
Para rawuh ingkang
minulya, tumapak adicara ingkang kaping kalih inggih punika pamaosan waosan
ayat suci alquran, dhumateng ingkang jejibahan kula sumanggakaken.
“………..”
Mekaten punika pamaosan
waosan ayat suci Al quran. Dumateng ananda Hilmi kaaturaken agenging panuwun.
Para rawuh ingkang
minulya, salajengipun tumapak acara ingkang angka tiga inggih punika tanggap
sabda saking ingkang kagungan dalem. Dhumateng Bapak Suwanto, wekdal kula
sumanggaaken saprayoginipun. Sumangga..
“………….”
Mekaten tanggap sabda
saking penjenenganipun Bapak Suwanto. Dhumateng Bapak Suwanto kula aturaken
agunging panuwun.
Salajengipun awit wonten
ngarsa penjengan sedaya sampun lumados unjukan saha dhaharan, sumangga
kaparenga enggal angresepi kanthi merdikaning penggalih, sarta kaparenga
adicara kula sigeg sawatawis.
“……….”
Nuwun sewun, para tamu
ingkang minulya, nyuwun pangapunten sarta mboten ateges ngirangi kamardikan
anggenipun para rawuh angresepi pasugatan, minangka nyumpeni wekdal kaparenga
adicara kalajengaken.
Salajengipun adicara
ingkang kaping sekawan inggih punika sungkeman dipunwiwiti kaliyan Bapak
Suwanto sakeluarga ingkang putra pambarep, dipunlajengaken kaliyan
adhi-adhinipun. Sumangga…
“…………………”
Matur nuwun.
Adicara salajengipun
inggih punika panutup. Kula minangka pranataadicara wonten enjing punika, mbok menawi
anggen kula matur kathah kekiranganipun saha kelepatanipun, saestu kula namung
ngaturaken dhahar lawuhe bakmi, sedaya lepat nyuwun angunging pangaksami. Matur
nuwun.
Wassalamua’laikum waroh matullahi
wabarokatuh.
Dumateng sedaya para
rawuh, dipunsuwun sampun nilaraken palenggahan rumiyen sakderengipun angresepi
dedhaharan kanthi prasmanan. Dumateng sedaya para rawuh, kula sumanggaaken
anggenipun angresepi dedhaharan kanthi merdika. Sumangga.
“…………..”
Tidak ada komentar:
Posting Komentar